Ծառայությունների մատուցման պայմաններ

ԹիԷլԷս Կոնտակտ վիզայի կենտրոնը ծառայություն է, որը մատուցվում է «ԹիԷլԷս կոնտակտ ԷՅ ԷՄ» սահմանափակ պատասխանատվությամբ ընկերության (կրճատ` «ԹիԷլԷս կոնտակտ ԷՅ ԷՄ» ՍՊԸ) (այսուհետ` «ԹիԷլԷս կոնտակտ ԷՅ ԷՄ», «մենք», «մեզ», «մեր» ) (ընկերության գրանցման համարը՝ 273.110.798497, գրանցված գրասենյակի հասցեն՝ Հայաստան, ք. Երևան, 0010 Կենտրոն, Վարդանանց 4/50, 309 գրասենյակ) կողմից:

Սույն պայմաններն ու դրույթները կիրառելի են Հայաստանի Հանրապետությունում Չեխիայի Հանրապետության դեսպանության կամ իր անունից ԹիԷլԷս կոնտակտ ընկերության կողմից առաջարկվող բոլոր ծառայությունների համար (այսուհետ՝ «Ծառայություն» կամ «Ծառայություններ») այն անձանց (այսուհետ՝ «Դիմումատու», «Դիմումատուներ», «Հաճախորդ» կամ «Դուք», «Ձեր»), ովքեր ցանկություն ունեն ԹիԷլԷս կոնտակտ ընկերության միջոցով դիմում ներկայացնել Չեխիայի Հանրապետության դեսպանություն և ստանալ վիզայի դիմումի վերաբերյալ տեղեկատվություն ԹիԷլԷս կոնտակտ ընկերության կողմից:

Սույն պայմաններն ու դրույթները, առանց սահմանափակման և կախված Ձեր վիզայի բնույթից, ներառում են`:

• դիմումատուի կողմից ԹիԷլԷս կոնտակտ ընկերության կայքում գրանցվելը՝ օգտահաշիվ բացելու նպատակով,
• դիմումատուի կողմից հանդիպման ամրագրումը՝ վիզա ստանալու համար դիմում ներկայացնելու նպատակով,
• ԹիԷլԷս կոնտակտ ընկերության կողմից Դիմումատուի հանդիպման հաստատումը,
• հանդիպման համար Դիմումատուի այցը ՎԴԿ՝ ԹիԷլԷս կոնտակտ ընկերության կողմից վիզայի դիմումը ձևակերպելու նպատակով, Չեխիայի Հանրապետության դեսպանության կողմից պահանջվող կենսաչափական տվյալների հավաքագրում,
• վիզայի դիմումի ներկայացման հետ կապված վճարումներ,
• ԹիԷլԷս կոնտակտ ընկերության կողմից (կամ ԹիԷլԷս կոնտակտ ընկերության հետ համագործակցող որևէ երրորդ կողմ) վիզայի դիմումի և հաստատող բոլոր փաստաթղթերի փոխադրում ու ներկայացում Չեխիայի Հանրապետության դեսպանություն,
• ճամփորդական և դրան կից փաստաթղթերի, եթե կլինեն այդպիսիք, փոխանցումը Չեխիայի Հանրապետության դեսպանությունից ԹիԷլԷս կոնտակտ՝ Դիմումատուին վերադարձնելու նպատակով,
• ի լրումն վիզայի դիմումի ձևակերպման ծառայության՝ հավելյալ ցանկացած ծառայության մատուցում ԹիԷլԷս կոնտակտի կողմից (այսուհետ՝ «Հավելյալ ծառայություններ»)՝ վիզայի դիմումի հարմարավետ ներկայացման համար.

Սույն դրույթներն ու պայմանները հանդիսանում են ԹիԷլԷս կոնտակտ ընկերության կողմից Դիմումատուին տրամադրվող ծառայությունների մատուցումը կարգավորող պայմանագիր, որի համաձայն Դուք ընդունում և հաստատում եք, որ նախքան Ձեր վիզայի դիմումը ներկայացնելը, ընթերցել, հասկացել և համաձայնվել եք, որ ունեք պարտավորություններ սույն դրույթների և պայմանների շրջանակներում առանց սահմանափակումների և նախապայմանների:

Սույն պայմաններին և դրույթներին կարող եք ծանոթանալ ԹիԷլԷս կոնտակտ ընկերության կայքում ցանկացած պահի: Ժամանակ առ ժամանակ սույն պայմաններում և դրույթներում իրականացվող բոլոր փոփոխությունները, ուղղումները, լրացումները կամ դրանց չեղարկումները կհրապարակվեն ԹիԷլԷս կոնտակտ ընկերության կայքում: ԹիԷլԷս կոնտակտ ընկերության կայքում տեղադրված փոփոխված դրույթներն ու պայմանները վերջիններիս նախորդ տարբերակի և հակասություն առաջացնող այլ փաստաթղթերի համար կլինեն գերակա:

Որպես հստակ ապացույց, ԹիԷլԷս կոնտակտ ընկերության տեղեկատվական համակարգում գրանցված տվյալները կհամարվեն Պատվիրատուի՝ ԹիԷլԷս կոնտակտ ընկերության հետ կնքված գործարքի ապացույց:

Սույն պայմաններն ու դրույթները կիրառելի չեն Ձեր վիզայի դիմումի առնչությամբ Չեխիայի Հանրապետության Դեսպանության կողմից տրամադրվող ծառայությունների և/կամ կայացվող որոշումների դեպքում, վիզայի համար կատարվող վճարումները ներառյալ: Սույնով դուք ընդունում և համաձայնվում եք, որ ԹիԷլԷս կոնտակտ ընկերությունը միջնորդ է հանդիսանում Ձեր և Չեխիայի Հանրապետության Դեսպանության միջև որպես վերջինիս գործակալ, և վիզայի Ձեր դիմումի առնչությամբ կայացված որոշումների վերաբերյալ ոչ մի առարկություն կամ վիզայի վճարումների վերադարձի հետ կապված որևէ պահանջ չի կարող ներկայացվել ԹիԷլԷս կոնտակտ ընկերությանը:

ԹիԷլԷս կոնտակտ ընկերության կողմից տրամադրվող որևէ ծառայությունից օգտվելու համար Դիմումատուն ԹիԷլԷս կոնտակտ ընկերության կայքում պետք է կատարի հետևյալ գործողությունները՝

• գրանցվել ԹիԷլԷս կոնտակտ ընկերության կայքում և ստեղծել օգտահաշիվ,
• մուտք գործել համակարգ և լրացնել առցանց դիմում-հայտը,
• հանդիպում ամրագրել Վիզայի կենտրոնում՝ վիզայի դիմումը ներկայացնելու համար:
• ԹիԷլԷս կոնտակտ ընկերության կայքում հանդիպում ամրագրելու փուլում,

Դիմումատուները, հնարավորության դեպքում, կկարողանան ընտրել Հավելյալ Ծառայություններ կամ պատվիրել դրանք ԹիԷլԷս կոնտակտ ընկերության զանգերի կենտրոնի միջոցով, ինչպես նաև դիմել Հավելյալ Ծառայությունների տրամադրման համար անմիջապես Վիզայի Դիմումի Կետրոն այցելելիս:

ԹիԷլԷս կոնտակտ ընկերությունը վիզայի դիմումի ներկայացման գործընթացի հետ կապված կարող է առաջարկել Հավելյալ Ծառայություններ, որոնք ենթադրում են լրացուցիչ վճարներ Վիզայի Դիմումի Կենտրոնում կամ, եթե կիրառելի է, ԹիԷլԷս կոնտակտ ընկերության կայքում: Հավելյալ Ծառայությունները պարտադիր չեն և չեն երաշխավորում, որ Դիմումատուին վիզա կտրամադրվի կամ որ նրա դիմումը կսահմանվի առաջնահերթ: ԹիԷլԷս կոնտակտ ընկերության կողմից առաջարկվող Հավելյալ Ծառայությունների ցանկը հրապարակված է ԹիԷլԷս կոնտակտ ընկերության կայքում: Դուք կարող եք այն գտնել հետևյալ հղումով՝ Հավելյալ Վճարովի Ծառայություններ.

ԹիԷլԷս կոնտակտ ընկերությունը կընդունի ամրագրումը և Ծառայությունների պատվերը միայն այն դեպքում, եթե, ԹիԷլԷս կոնտակտ ընկերության որոշմամբ, Դիմումատուն գրանցվելիս նախապես հաստատել է, որ դրանք համապատասխանում են սույն Պայմաններին և Դրույթներին: Այս հաստատումը համարվում է Ձեզ տրամադրվող Ծառայությունների մատուցման պայմանագրի կնքման ապացույց: Ծառայությունների պատվերի ամրագրումը չի համարվի վերջնական մինչև ԹիԷլԷս կոնտակտ ընկերությունը չհաստատի պատվերի ընդունումը և չստանա վիզայի ձևակերպման հետ կապված ծառայությունների համար ամբողջական վճարումները:

ԹիԷլԷս կոնտակտ ընկերությունը իրավունք է վերապահում մերժել կամ չեղարկել Ծառայությունների պատվերը, եթե Ծառայությունների նախկին պատվերի առնչությամբ Դիմումատուի հետ կա վիճաբանություն:

4.1. Ընդհանուր դրույթներ բոլոր վճարների համար

Սահմանված վճարները գործում են միայն այն օրը, երբ դրանք նշվել են: Վիզայի դիմումն ավելի ուշ ներկայացնելիս վճարման գումարը կարող է փոփոխվել:

Չեխիայի Հանրապետության անունից TLSկոնտակտ ընկերության կողմից Վիզայի և Ծառայությունների համար գանձվող վճարները սահմանված են եվրոյով, սակայն վճարվում են այն երկրի տարադրամով, որտեղ գտնվում է ՎԴԿ: Այդ տարադրամների փոխարժեքը սահմանվում է Չեխիայի Հանրապետության Դեսպանատան կողմից և կարող է պարբերաբար փոփոխվել, այսպիսով գումարը, որ Դուք պետք է վճարեք տեղական տարադրամով կարող է տարբերվել նշված արժեքից:

Վիզայի դիմումի հետ կապված բոլոր վճարները հաստատուն են, ներառում են ավելացված արժեքի հարկը և նշված են TLSկոնտակտ ընկերության կայքում և ՎԴ Կենտրոնում:

Ձեր անձնագրերի, կից փաստաթղթերի վերադարձի և վիզայի վերաբերյալ որոշումների տրամադրման հետ կապված բոլոր  ծախսերը  ներառված են վերջնական ընդհանուր գնի մեջ՝ հիմք ընդունելով Ձեր կողմից տրամադրված տեղեկությունները և առաքման ընտրված միջոցները:

Վիզայի ձևակերպումը սկսելու համար բոլոր վճարները պետք է կատարվեն ողջ ծավալով՝ վճարման հնարավոր տարբերակներով որպես հստակ վճարված միջոցներ: Բացառությամբ դեպքերի, որոնք ստորև ներկայացված են միջոցների փոխատուցման մեր ռազմավարության մեջ, վճարները վերադարձի և փոխհատուցման ենթակա չեն ծառայությունների մատուցման ավարտից կամ դիմումը Չեխիայի Հանրապետության Դեսպանատուն փոխանցելուց հետո, ինչպես նաև անկախ այն բանից՝ արդյո՞ք Չեխիայի  Հանրապետության Դեսպանությունը տրամադրել է վիզան թե ոչ կամ եթե Դուք որոշել եք հրաժարվել վիզայի դիմում ներկայացնելուց: 

4.2. TLSկոնտակտ ընկերության ծառայությունների վճարը Ձեր վիզայի դիմումը ներկայացնելու համար (այսուհետ՝ «Ծառայության վճար»)

Ձեր վիզայի դիմումի ձևակերպման համար նախատեսված ծառայության վճարը համաձայնեցված է Չեխիայի Հանրապետության Դեսպանության և TLSկոնտակտ ընկերության միջև: Վիզայի Դիմումի Ծառայության Վճարի ցանկացած փոփոխություն կկատարվի Չեխիայի Հանրապետության Դեսպանության հետ ձեռք բերված համաձայնությանը համապատասխան և պետք է պատշաճ ձևով արտացոլված լինի TLSկոնտակտ ընկերության կայքում:

4.3. Հավելյալ ծառայությունների Վճար (այսուհետ՝«Հավելյալ Ծառայության վճար»)

TLSկոնտակտ ընկերության կողմից տրամադրվող Լրացուցիչ Ծառայությունների գումարը սահմանվում է կամ երկրի տարադրամով, որտեղ Դուք ներկայացնում եք վիզայի դիմումը կամ եվրոյով:

TLSկոնտակտ ընկերությունը իրավունք է վերապահում փոփոխել Հավելյալ Ծառայությունների վճարը և նման փոփոխությունը ուժի մեջ մտնելու օրվանից հետո Դիմումատուներից գանձել  փոփոխված արժեքը: Դիմումատուն պետք է հաշվի առնի այս փաստը այն դեպքում, եթե պլանավորում է հետագայում պատվեր կատարել: TLSկոնտակտը Դիմումատուին անդորրագիր է տրամադրում Հավելյալ Ծառայությունների վճարման դիմաց

4.4. Չեխիայի Հանրապետության Դեսպանության անունից TLSկոնտակտ ընկերության կողմից վիզայի համար գանձվող վճար (այսուհետ՝«Վիզայի վճար»)

TLSկոնտակտ ընկերությունը Չեխիայի Հանրապետության Դեսպանության անունից  գանձվող վիզայի վճարումների ավելացումները կամ փոփոխությունները չի վերահսկում և չի կրում որևէ տեսակի պատասխանատվություն: TLSկոնտակտ ընկերությունը չի ընդունում Վիզայի վճար փոխատուցման հետ կապված որևէ պահանջ, և այդպիսի պահանջները չպետք է ներկայացվեն TLSկոնտակտ ընկերությանը:

Ծառայության, ինչպես նաև Հավելյալ  Ծառայությունների Վճարը (այսուհետ միասին՝«TLSկոնտակի վճարներ») կարող են ամբողջ ծավալով կատարվել կամ Ձեր վիզայի դիմումը ներկայացնելու օրը հանդիպում ամրագրելիս կամ ավելի ուշ փուլում, ՎԴԿ-ում, երբ ներկայանում եք հանդիպման, հետևյալ մեթոդներով, որոնցից յուրաքանչյուրը կախված է այն բանից, թե երբ է TLSկոնտակտը վճարվել, համաձայն TLSկոնտակտի կայքում սահմանվածի.

• Կանխիկով,
• Կրեդիտորական/դեբիտորական քարտով, իսկ հեռավար վճարումների համար (առցանց, հեռախոսով և այլն) վճարման ապահով մեթոդներով,
• բանկային փոխանցումով կամ TLSկոնտակտի համար ընդունելի վճարման միջոցով

TLSկոնտակտ ընկերության գումարները և Վիզայի վճարումները ստանալուց հետո TLSկոնտակտ ընկերությունը Դիմումատուին արդորրագիր կտրամադրի գործարքի վերաբերյալ:

Դիմումատուն պատասխանատու է ցանկացած միջնորդավճարի կամ տոկոսի համար, որ նա կարող է կրել՝ վճարումը հասանելի մեթոդով կատարելու համար:

Փոխանցումից առաջ վճարման տվյալները կոդավորվում են Secure Sockets Layer (SSL) պրոտոկոլին համապատասխան:

TLSկոնտակտ ընկերությունը պարտավոր չէ տրամադրել որևէ տեսակի Ծառայություն, եթե նրա վճարումները չեն կատարվել ողջ ծավալով:

Վճարումները ամբողջությամբ կատարված չեն համարվում, եթե TLSկոնտակտ ընկերությունը ըստ պատշաճի չի ստացել վիզայի դիմումի հետ կապված բոլոր վճարումները կոնկրետ և հասանելի դրամական միջոցներով:

TLSկոնտակտը պարտավորվում է գործադրել իր բոլոր ողջամիտ ջանքերը Ծառայությունները Դիմումատուներին տրամադրելու համար՝ կախված հանդիպման համար վերջիններիս կողմից ընտրված ամսաթվից:

TLSկոնտակտ ընկերությունը կձևակերպի վիզան ողջամիտ բծախնդրությամբ և հմտությամբ և Չեխիայի Հանրապետության Դեսպանատան կողմից սահմանված ընթացակարգերին համապատասխան:

Այնուամենայնիվ, չնայած այն բանին, որ մենք բծախնդրորեն ստուգում ենք Ձեր ձևաթուղթը ակնհայտ սխալները գտնելու համար, մենք չենք երաշխավորում, որ Ձեր ձևաթղթի բոլոր սխալները կհայտնաբերվեն, և մենք չենք պարտավորվում ստուգել Ձեր տրամադրած տեղեկությունները: Դուք պատասխանատվություն եք կրում, որ Ձեր կողմից տրամադրված տեղեկություններն ու փաստաթղթերը լինեն ճշգրիտ, արժանահավատ և ակտուալ:

TLSկոնտակտ ընկերությունը չի կրում որևէ պատասխանատվություն Ծառայությունների մատուցումն ուշացնելու համար, որի պատճառն է հանդիսացել TLSկոնտակտ ըևնկերության վերահսկողությունից դուրս որևէ իրադարձություն կամ երրորդ կողմի գործողությունները:

Չեխիայի Հանրապետության Դեսպանությունից Ձեր վիզայի դիմումի վերաբերյալ որոշումներ ստանալու ժամկետները մոտավոր են միայն՝ հիմք ընդունելով տեղեկությունները և Չեխիայի Հանրապետության Դեսպանատան հետ մեր փորձը, ինչը կախված չէ TLSկոնտակտ ընկերությունից և չի կարող երաշխավորվել: Շտապ հանդիպումների նշանակման ծառայությունից օգտվելը, եթե կիրառելի է, չի երաշխավորում, որ վիզայի Ձեր դիմումն ավելի արագ ընթացք կստանա կամ ավելի արագ կմշակվի Չեխիայի Հանրապետության Դեսպանության կողմից: Դիմումատուներին խորհուրդ է տրվում չանել ուղևորության հետ կապված ամրագրումներ մինչև իրենց վիզայի դիմումի որոշումը ստանալը: Այն դեպքում, երբ Դիմումատուներից  պահանջվում է նախօրոք կատարել ամրագրումներ, նրանք պետք է հաշվի առնեն իրենց վիզայի դիմումների ուսումնասիրման ողջամիտ ժամկետները՝ նախքան ամրագրումներ կատարելը:

Դիմումատուները պատասխանատվություն են կրում Վիզայի ձևաթղթերում շարադրված պահանջները ուշադիր կարդալու և հասկանալու, դրանց մեջ ճիշտ և հստակ տեղեկություններ լրացնելու, ճշգրիտ և հաստատող ուժ ունեցող փաստաթղթեր տրամադրելու, վավեր անձնագիր (չվնասված և ժամկետի մեջ) ներկայացնելու, ինչպես նաև ստանալու ժամանակ տրամադրված վիզայի վավերականությունը ստուգելու (այդ թվում՝ ժամկետները, մուտքի թույլտվության քանակը, նպատակները և այլն)  համար:

Դիմումատուները պետք է TLSկոնտակտ ընկերությանը տրամադրեն վավեր կոնտակտային տվյալներ, որպեսզի ընկերությունը կարողանա կապ հաստատել նրանց հետ այն դեպքում, երբ որևէ հարց է ծագում վիզայի դիմումի հետ կապված կամ եթե անհրաժեշտ են լրացուցիչ փաստաթղթեր: Ընկերությունը պատասխանատվություն չի կրում որևէ կորստի համար, եթե հնարավորություն չի ունեցել կապ հաստատել Դիմումատուի հետ կամ, եթե Դիմումատուի հեռախոսը անջատված է եղել, չի աշխատել կամ ապահոված չի եղել ձայնային փոստի ծառայությունը:

TLSկոնտակտ ընկերությունը չի փոխհատուցի Դիմումատուի կողմից ընկերությանը կատարված որևէ վճարում այն պատճառով, որ Չեխիայի  Հանրապետության Դեսպանատունը մերժում է վիզայի տրարամդրումը կամ այն պատճառով, որ Դիմումատուն որոշել է չեղարկել ընթացքի մեջ գտնվող վիզայի դիմումի մշակումը, և Ծառայությունները տրամադրվել են:

TLSկոնտակտի վճարումները անվերադարձ են և ենթակա չեն փոխհատուցման ընկերության կողմից ծառայությունները տրամադրվելուց և դիմումը Չեխիայի  Հանրապետության Դեսպանություն փոխանցելուց հետո:

Եթե TLSկոնտակտ ընկերությունը, այնուամենայնիվ  թույլ է տվել կոպիտ անփութություն կամ դիտավորյալ խախտում վիզայի համար ներկայացված դիմումի առնչությամբ, որի արդյունքում վիզա չի տրամադրվել կամ կորել է Դիմումատուի անձնագիրը վավերական վիզաներով, ապա այդ դեպքում TLSկոնտակտ ընկերությունը կվերադարձնի միայն Ծառայությունների համար գանձված գումարը Դիմումատուին, ինչպես նաև Դիմումատուի բնակության երկրի կողմից գանձվող վճարները՝ կորած կամ վնասված անձնագիրը կամ այլ փաստաթղթերը նորմալ ընթացակարգով փոխարինելու համար:

Չեխիայի Հանրապետության Դեսպանատունը TLSկոնտակտ ընկերությանը իրավունքներ կամ լիազորություններ չի տրամադրում վիզայի դիմումները գնահատելու կամ դրանց հետ կապված որոշումներ կայացնելու համար: Արդյունքում, TLSկոնտակտ ընկերությունը որևէ տեսակի պատասխանատվություն չի կրում վիզա ստանալու համար Ձեր դիմումի կապակցությամբ Չեխիայի Հանրապետության Դեսպանատան կողմից ընդունված որոշումների համար, ինչպես նաև Չեխիայի Դեսպանության ուշացումների համար՝ Ձեր դիմումը գնահատելու, վիզա տրամադրելու կամ մերժելու կամ Ձեր դիմումի առնչությամբ լրացուցիչ տեղեկություններ պահանջելու  պատճառով:

TLSկոնտակտ ընկերությունը որևէ տեսակի պատասխանատվություն չի կրում վիզայի դիմումի կամ վիզայի կորստի, ուշացման կամ վիզա չտրամադրելու համար, որը ծագել է կամ առնչություն ունի (ներառելով, սակայն չսահմանափակվելով) ձևաթղթի թերի լրացման, սխալ կամ կեղծ լրացված դիմումի ձևերի, ինչպես նաև ոչ ճշգրիտ, կիսատ կամ կեղծ տեղեկությունների կամ կից փաստաթղթերի հետ:

TLSկոնտակտ ընկերությունը որևէ տեսակի պատասխանատվություն չի կրում որևէ Դիմումատուի կամ այլ անձի առջև, ով ակնկալիքներ կամ շահ ունի վիզայի ցանկացած դիմումից, կամ ծախսերից, որ արվել են այդ վիզան ստանալու կամ դրան սպասելու համար, լինի դա կոնկրետ ժամանակահատված կամ ընդհանրապես, ներառելով, սակայն չսահմանափակվելով կազմակերպված ուղևորությամբ և/կամ բնակության համար պայմանավորվածություններով;

TLSկոնտակտ ընկերությունը որևէ տեսակի պատասխանատվություն չի կրում բաց թողնված շահույթի, աշխատանքի ընդհատման, բիզնեսի կամ գործնական հնարավորության կորստի, որևէ անձի կողմից կրած անօգուտ ծախսերի կամ այլ կորստի կամ վնասի համար, որն ինչ-որ կերպ  ծագել է վիզայի դիմումների, անձնագրերի կամ այլ փաստաթղթերի ուշացման, սխալ ներկայացման, վնասի կամ կորստի պատճառով կամ վիզայի դիմումի հետ կապված պայմանագրի խախտման կամ անփութության արդյունքում կամ վիզայի դիմումի առնչությամբ որևէ խորհրդատվության կամ տեղեկությունների հետևանքով:

TLSկոնտակտ ընկերությունը որևէ տեսակի պատասխանատվություն չի կրում Դիմումատուի կամ որևէ անձի առջև ով ակնկալիքներ կամ շահ ունի վիզայի ցանկացած դիմումից, անուղղակի, պատժիչ, պատահական, հատուկ կամ հետևանքային վնասի կամ վնասների համար, որոնք ծագել են վիզայի դիմումների, անձնագրերի կամ այլ փաստաթղթերի ուշացման, սխալ ներկայացման, վնասի կամ կորստի պատճառով կամ վիզայի դիմումի հետ կապված պայմանագրի խախտման կամ անփութության արդյունքում կամ վիզայի դիմումի առնչությամբ որևէ խորհրդատվության կամ տեղեկությունների հետևանքով:  

TLSկոնտակտը չի համարվի պայմանագիրը խախտող կողմ և չի կրի պատասխանատվություն որևէ անձնագրի կամ այլ փաստաթղթի կամ վիզայի ուշացման, կորստի համար, որ տեղի է ունեցել TLSկոնտակտ ընկերության վերահսկողությունից դուրս տեղի ունեցած իրադարձության արդյունքում, ներառելով, սակայն չսահմանափակվելով վթարներով, կողոպուտով, տարերային աղետներով, էլեկտրականության կամ հեռահաղորդակցության ընդհատումներով, գործադուլներով, անհնազանդության և բողոքի ակցիաներով, որոնք չեն հանդիսանում TLSկոնտակտ ընկերության դիտավորյալ ոչ օրինական վարքագծի հետևանք:

TLSկոնտակտ ընկերությունը պատասխանատվություն չի կրում վիզայի որևէ դիմումի, անձնագրի կամ այլ փաստաթղթի կորստի, հետաձգման կամ վնասի համար, ինչը տեղի է ունեցել երրորդ կողմի պատճառով և դուրս է ընկերության վերահսկողությունից:

TLSկոնտակտ ընկերությունը պատասխանատվություն չի կրում վիզայի որևէ դիմումի, անձնագրի կամ այլ փաստաթղթի կորստի, հետաձգման կամ վնասի համար, ինչը տեղի է ունեցել երրորդ կողմի սուրհանդակային ծառայության մոտ գտնվելիս, ներառյալ վիզայի դիմումների, անձնագրերի կամ TLSկոնտակտ ընկերության և Չեխիայի Հանրապետության Դեսպանության միջև համաձայնեցված այլ փաստաթղթի փոխադրման ժամանակ կամ Դիմումատուին վերադարձնելիս:

Բացառիկ դեպքերում, երբ Դիմումատուի ներկայացրած անձնագիրը կամ որևէ այլ փաստաթուղթ կորել  կամ լրջորեն վնասվել է TLSկոնտակտ ընկերության կողմից թույլ տրված անփութության պատճառով, ինչը հանգեցնում է նրան, որ անձնագիրը կամ այլ փաստաթուղթը դառնում է անօգտագործելի, TLSկոնտակտ ընկերությունը Դիմումատուին կվերադարձնի միայն Ծառայությունների համար գանձված գումարը, ինչպես նաև Դիմումատուի բնակության երկրի կողմից գանձվող վճարները՝ կորած կամ վնասված անձնագիրը կամ այլ փաստաթղթերը նորմալ ընթացակարգով փոխարինելու համար: Փոխհատուցումը պահանջելու համար Դիմումատուն պետք է ներկայացնի վճարման անդորրագրի բնօրինակը:

TLSկոնտակտ ընկերությունը Դիմումատուին չի վճարում ծախսերը, որ վերջինս կատարել է փոխարինված փաստաթուղթը ստանալու համար, ներառելով, սակայն չսահմանափակվելով՝ ուղևորության, բնակության, ժամանակի կորստի պատճառով կրած վնասներով:

Ձեր վիզայի դիմումի համար հավաքագրված տվյալների մշակման պատասխանատուն «TLScontact AM» սահմանափակ պատասխանատվությամբ ընկերությունն է (կրճատ՝ «TLScontactAM» ՍՊԸ):

TLSկոնտակտ ընկերությունը Դիմումատուներից հավաքագրում է անձնական տվյալներ Շենգեն վիզայի դիմումների համար, ներառյալ տպագրված և կայքում տեղադրված ձևաթողթերում տրամադրված տեղեկությունները, անձնագրերը և այլ փաստաթղթեր: Այս տեղեկությունները կարող են ներառել անուն, ազգանուն, հասցե, կոնտակտային տվյալներ, ծննդավայր, անձնագրային, աշխատանքային, ճամփորդական տվյալներ, և այլն:

TLSկոնտակտ ընկերությունը պահանջում, հավաքագրում և մշակում է միայն անձնական այն տվյալները, որոնք խիստ անհրաժեշտ են Ծառայությունները տրամադրելու համար համաձայն սույն դրույթների և պայմանների, ներառելով, սակայն չսահմանափակվելով միայն դրանով, նպատակ ունենալով մշակել վիզայի համար ներկայացրած Ձեր դիմումը և տրամադրել Լրացուցիչ Ծառայություններ, ինչը կարող է պահանջել մեր ծառայությունների մասին լրացուցիչ տեղեկություններ ուղարկելը:

Սույնով Դուք տալիս եք համաձայնություն՝ TLSկոնտակտ ընկերության կողմից Ձեր անձնական տեղեկությունների հավաքագրման, պահպանման, մշակման և ներկայացման համար, ինչպես նաև անձնական տեղեկությունների միջսահմանային փոխանցմանը, եթե դա կպահանջվի Չեխիայի Հանրապետության Դեսպանատանը վիզայի դիմումի մշակման գործընթացում:

Սույով Դուք համաձայնում և ընդունում եք, որ TLScontact-ը իրավունք ունի փոխանցել Ձեր անձնական տվյալները այն գործընկերներին, որոնց խստորեն հանձնարարված է սույն դրույթներին և պայմաններին համապատասխան իրականացնել  Ծառայություններից որևէ մեկը կամ բոլորը:  Սույն դրույթներով և պայմաններով չնախատեսված ծառայությունների համար, որ կարող են Ձեզ առաջարկվել երրորդ կողմի կողմից, TLSկոնտակտը Ձեր անձնական տվյալները կփոխանցի միայն Ձեր համաձայնությամբ: Երրորդ կողմ հանդիսացող բոլոր գործընկերները պարտավորվում են ապահովել Ձեր անձնական տվյալների պաշտպանության պատշաճ մակարդակը՝ տվյալների անվտանգությունը երաշխավորելու համար: 

Ձեր անձնական տվյալները պահպանվում և մշակվում են նաև Չեխիայի  Հանրապետության Դեսպանատան կողմից՝ իր՝ տվյալների պաշտպանության քաղաքականությանը և ընթացակարգերին համապատասխան: 

Կիրառելի նորմերին համապատասխան, Դիմումատուները՝ իրենց անձնական տվյալների մշակման հետ կապված, կարող են ունենալ տարբեր իրավունքներ, ինչպիսիք են՝ տեղեկություններ, հասանելիություն ստանալը, անձնական տվյալները փոփոխելը, ուղղելը կամ ջնջելը, անձնական տվյալների մշակումից հրաժարվելը կամ սահմանափակելը, ինչպես նաև տվյալները տեղափոխելը:

Այս իրավունքները կարող են իրացվել համաձայն պայմանների և ընթացակարգերի, որոնք սահմանված են  TLSկոնտակտ ընկերության կայքում հրապարակված գաղտնիության մասին ծանուցմամբ և կիրառելի են Վիզայի կենտրոնում, որտեղ Դիմումատուները կատարում են իրենց պատվերները:

ԹիԷլԷս կոնտակտ ընկերության կայքի բովանդակությունը համարվում է ԹիԷլԷս կոնտակտ ընկերությունների խմբի մտավոր սեփականությունը և պաշտպանված է մտավոր սեփականության մասին և հակամենաշնորհային գործող օրենքներով:

Տեղեկությունների մասնակի կամ ամբողջությամբ պատճենումը և այլ կայքերում տեղադրումը առանց ԹիԷլԷս կոնտակտ ընկերութան կայքի հղման խստիվ արգելվում է և համարվում է հեղինակային իրավունքների խախտում:

Բացի այդ, ԹիԷլԷս կոնտակտ ընկերությունը Ծառայությունների մատուցման նպատակով (այդ թվում նաև Դիմումատուների պահանջով) ստեղծված լուսանկարների, շնորհանդեսների, հետազոտությունների, նախագծերի, նախատիպերի նկատմամբ պահպանում է մտավոր սեփականության իր բոլոր իրավունքները: Ուստի Դիմումատուն համաձայնվում է չվերարտադրել և չօգտագործել նշված հետազոտությունները, նախագծերը, նախատիպերը և այլն առանց ԹիԷլԷս կոնտակտ ընկերության նախնական գրավոր թույլտվության, ինչի համար ԹիԷլԷս կոնտակտ ընկերությունը իրավունք կունենա ֆինանսական փոխհատուցում պահանջել:

Սույն դրույթներն ու պայմանները, ինչպես նաև սույն փաստաթղթով նախատեսված գործարքները կարգավորվում են այն երկրի օրենսդրությամբ, որտեղ գտնվում է Վիզայի Դիմումների Կենտրոնը, ուր Դիմումատուն կատարել է ծառայությունների տրամադրման պատվերը:

Ծառայությունների մատուցման կամ դրա հետ կապված սույն դրույթներին և պայմաններին համապատասխան կնքված գործարքների՝ դրանց վավերականության, մեկնաբանման, իրականացման, դադարեցման, հետևանքների և ազդեցության հետ առնչվող  TLSկոնտակտի և Դիմումատուի միջև բոլոր վեճերը, որ չեն կարող բարեկամաբար լուծվել, կուղարկվեն դատարան, որն ունի Վիզայի դիմումների կենտրոնի երկրում գործող օրենքների իրավասությունը և, որտեղ Դիմումատուն ներկայացրել է Ծառայությունների մատուցման իր պատվերը:

TLSկոնտակտ ընկերությունը իր հայեցողությամբ կարող է փոփոխել, լրացնել, չեղարկել կամ  հետ կանչել սույն պայմաններն ու դրույթները մասամբ կամ ամբողջությամբ ցանկացած պահի առանց նախնական ծանուցման համաձայն սույն պայմանների և դրույթների հոդված 1-ի: Այսպիսի ցանկացած փոփոխությունը պետք է արտացոլված լինի TLSկոնտակտ ընկերության կայքում:

Կետերի վերնագրերը նշված են հարմարավետության համար և չեն կիրառվում՝ սույն պայմաններն ու դրույթները մեկնաբանելու համար:

TLS կոնտակտ ընկերությունը որևէ երաշխիք չի տալիս և որևէ հայտարարություն չի անում, որ չկան սույն պայմանների և դրույթների մեջ:

Ժամկետի ցանկացած  երկարաձգում կամ թույլտվություն, որ TLSկոնտակտ ընկերությունը կարող է տրամադրել Դիմումատուին, չի համարվում TLSկոնտակտ ընկերության որևէ իրավունքից հրաժարում, որ կարող է  օգտվել Դիմումատուի դեմ ցանկացած իրավունքից, որ կարող էր ծագել անցյալում և կարող են առաջանալ ապագայում:

Սույն պայմաններն ու և դրույթները իրարից անկախ են, չնայած փաստին, թե ինչպես են խմբավորված և քերականորեն կապված: